Сяргей Плыткевіч, бясспрэчна, адзін з лепшых у свеце фатографаў дзікай прыроды. А ягоныя кнігі «Беларуская экзотыка», «Нечаканая Беларусь», «Планета Беларусь», «Дзікая прырода ў цэнтры Еўропы», «Ад Полацка пачаўся свет» ды шэраг іншых — люстэрка нашай краіны для замежнікаў. Хаця не толькі — прызнаёмся, мы й самі дрэнна ведаем сваю радзіму. Сёння Сяргей Міхайлавіч, які з юнацтва звязаў сваё жыццё з лесам, госць «БЛГ».